Kry 60% afslag by Namibia Wildlife Resorts se lodges!

Namibia Wildlife Resorts het sy sogenaamde Independence Special aangekondig, wat Namibiërs aanmoedig om die skoonheid van hul eie land te ontdek deur groot afslag op verblyf by al sy fasiliteite te bied. Veral gesien in die huidige moeilike ekonomiese tye, sal reis meer toeganklik en bekostigbaar vir Namibiërs wees. Vanaf 1 Maart sal oornagpryse by alle lodges onder die organisasie se bestuur 60 persent goedkoper wees, wat dit makliker maak vir inwoners om die diverse landskappe en unieke natuurlewe wat Namibië bied, te ervaar. Kosmos 94.1 Nuus het gepraat met Nelson Ashipala, Namibia Wildlife Resorts se woordvoerder, wat meer inligting verskaf.