Krieket: Engelse en Aussies beboet oor stadige boultempo

Krieket: Engeland en Australië is albei beboet vir ‘n stadige boultempo in die eerste toets om die As op Edgbaston. Albei spanne het twee Wêreldtoets-kampioenskaps-punte ingeboet omdat hulle twee boulbeurte kort was op hulle tydsbepalings. Al 22 spelers is ook met 40 persent van hulle wedstrydfooi beboet. Die kapteins, Ben Stokes van Engeland en Pat Cummins van Australië, het die straf aanvaar en formele verhore was dus nie nodig nie. Die Aussies het met twee paaltjies gewen. Die tweede van die vyf toetse begin volgende Woensdag op Lord’s in Londen.