Kremlin ontken Putin en Trump het gesels

Die Kremlin ontken berigte dat Amerika se gekose president Donald Trump verlede week per telefoon met president Vladimir Putin gepraat en hom gewaarsku het om nie die oorlog in Oekraïne te vererger nie. Volgens die Washington Post het Trump tydens die oproep vir Putin herinner aan Washington se groot militêre teenwoordigheid in Europa. Die koerant berig ook Trump wil binnekort verdere gesprekke voer om ʼn oplossing te vind vir die konflik in Oekraïne. Die Kremlin sê die berigte is suiwer fiksie.