Kietsies reis die wêreld vol

Party van ons was jare laas op ‘n lekker vakansie. Besig wees is mos deesdae ‘n leefstyl.

En dan is daar ander mense wat die wêreld vol reis en sommer ook hul troeteldiere op vakansies na Parys, New York en Florida in die VSA saam neem.

Olivia en Dan is so kat behep dat hulle hul drie kietsies, Sponge Cake, Mocha en Donut orals laat saam toer. Die katte het selfs al op ‘n gondola deur Venesië gevaar en in London inkopies gedoen. 

Die “dessert trio” – soos die katte bekend staan op hul sosialemediarekeninge het miljoene volgelinge.

Foto: Instagram/ @spongecake_thescottishfold