Kieserregistrasie vorder baie goed

Die Namibiese Verkiesingskommissie së dat in die eerste week van kieserregistrasie ‘n totaal van 187 171 Namibiërs geregistreer is met die hoogste getal in die Khomas-streek op net meer as 40 000. Die kommissie sê die syfer verteenwoordig ongeveer 31 195 registrasies daagliks oor die ses dae van 3 tot 8 Junie. Die registrasie van kiesers duur tot 1 Augustus regoor die land van Maandag tot Saterdag, agt-uur tot sewe-uur saans.