Keuringsproses vir Gautengse gesondheisbestuur

Die Gautengse gesondheidsdepartement het byna 1 600 senior bestuurders en amptenare in voorsieningskettingbestuur en menslikehulpbronbestuur aan ‘n keuringsproses onderwerp. Van die 106 senior bestuursbeamptes het 104 reeds dokumente ingedien wat die Staatsveiligheids-agentskap kan ondersoek. Nege het al klaringsertifikate ontvang. Die departement se woordvoerder, Motaletale Modiba, sê die proses sal sy bestuurstelsels versterk.