Keniaanse owerhede hervat soektog na grafte by sekte

Keniaanse ondersoekers het die soektog na lede van ‘n sekte hervat in ‘n woud waar meer as 100 lyke, meestal van kinders, opgegrawe is. Paul Mackenzie, leier van die Good News International Church, is gearresteer en daarvan beskuldig dat hy sy volgelinge beveel het om hul kinders en hulself uit te honger sodat hulle Jesus kan ontmoet. Met honderde mense wat steeds vermis word, is die soektog in die Shakahola-woud in die suidooste van Kenia vir ‘n paar dae opgeskort weens slegte weer, maar het nou weer hervat.