Keetmanshoop-munisipaliteit skommel raad, bestuurskomitee

Die Keetmanshoop-munisipaliteit het van sy raadslede en lede van die bestuurskomitee se pligte verander. Die herskuifde raadslede is Easter Isaak, Johannes Vries en Annalise Knaus, almal van die Landless People’s Movement. Isaak was die onderburgemeester en word nou die voorsitter van die bestuurskomitee. Vries was voorsitter maar is nou ‘n gewone bestuurskomiteelid, terwyl Knaus die pos van onderburgemeester inneem. McDonald Hanse en Fatima Jossop bly onderskeidelik burgemeester en lid van die bestuurskomitee, terwyl Swapo-raadslid Johannes Nghidinwa en Gaudentia Kröhne gewone lede bly. Hanse sê die skommeling was in opdrag van die LPM se hoofkantoor.