Kaartjies vir Oasis somer-toer skiet die hoogte in

Die groep Oasis se terugkeertoer is uitverkoop vir al die konserte wat die groep aangekondig het vir hulle optredes volgende somer in Brittanje en Ierland. Die groep het op X geskryf die kaartjies vir al 17 konserte is opgeraap, maar baie aanhangers kritiseer die verkoopsproses en pryse. Honderde-duisende bewonderaars het in lang rye gewag vir kaartjies vir ‘n eerstehandse belewenis van ‘n toer 15 jaar nadat die groep uiteen is. Die prysmodel op Ticketmaster het egter veroorsaak dat sommige van die oorblywende kaartjies verkoop het vir meer as 8 000 Namibiese dollar elk, vergeleke met die aanvanklike prys van 3 000 dollar.