Johannesburg Water ontplooi tenkwaens na groot woonbuurte weens onderbrekings

Johannesburg Water sê hy het die getal mobiele watertenkwaens tot 28 verhoog om water aan gebiede te voorsien wat kritiek lae watervlakke ondervind. Die watertekorte kom voor nadat ‘n pomp Maandag by Rand Water se Ekenhof-pompstasie onklaar geraak het. Puleng Mopeli van Johannesburg Water sê die gebiede wat geraak word sluit in Melville, Brixton, Robertsham, Northgate en Honeydew.