Iran beplan olieraffinadery by Walvisbaai

Iran het ooreenkomste aangegaan om onder meer ‘n olieraffinadery by Walvisbaai asook ‘n oliebergingsfasiliteit in Namibië te vestig. Iran se ambassadeur in Namibië, Dr. Seyed Ali Sharifi, het die aankondiging gemaak by ‘n geleentheid vir klein- en medium ondernemings by die Iranse ambassade, wat in samewerking met die Namibië Kamer van Koophandel en Nywerheid aangebied is. Dit was om samewerking en netwerke vir toekomstige beleggings uit te brei. Sharifi het by die geleentheid gepraat en sy persoonlike assistent, Hussein Mbugua, het vertaal.