IPC se ekonomiese planne redelik gebalanseerd

Die IPC-leier Panduleni Itula het in sy manifes-bekendstelling belowe om werk te skep, billike belastinghervormings te implementeer en korrupsie te bekamp as hy die presidensiële verkiesing wen. Sleutelvoorstelle sluit in die verdubbeling van jeug-entrepreneurskap binne vyf jaar, die verhoging van onderwystoegang, ‘n belegging van 5 miljard Namibiese dollar in onderwyshervorming, en die bou van 280 000 huise oor tien jaar. Hy beplan ook om internetpenetrasie te verhoog, kontantinkomstetoelaes aan kwesbare burgers te verskaf, en Namibië onder die top vyf Afrika-lande vir maklike digitale sake-transaksies te posisioneer. Kosmos 94.1 Nuus het gesels met Robert McGregor, ‘n ekonoom van Cirrus, wat sê die manifes is meer gebalanseerd as ander.