Indiese polisie soek die ghoeroe van die vertrapping
Die Indiese polisie soek na die organiseerders en die Hindoe-ghoeroe wat ʼn godsdienstige byeenkoms in die sentrale staat Uttar Pradesh gehou het. Minstens 121 mense is Dinsdag dood tydens ʼn stormloop by die geleentheid. Die staat se regering het opdrag gegee vir ʼn regs-ondersoek na die tragedie. Die Hindoe-prediker Suraj Pal, wat by sy volgelinge as Bhole Baba bekend staan, kruip volgens berigte weg. Pal is ʼn gewese polisiebeampte wat 20 jaar gelede sy werk laat vaar en begin preek het.