Ietermagô’s dood van honger, fondsinameling geloods

Namibië se ietermagô’s staar vanjaar ‘n kritieke krisis in die gesig, aangesien die langdurige droogte hul toegang tot voedsel drasties verminder het. Miere en termiete, hul primêre dieet, bly diep onder die grond ingegrawe, selfs ná die eerste reën. Gemeenskappe berig dat hulle verskeie ietermagô-karkasse gevind het, waar die diere van honger dood is. In reaksie hierop het die Pangolin Conservation and Research Foundation ‘n vakansiefondsinsameling van stapel gestuur om die verhoogde koste van die versorging van ietermagôs aan te spreek. Kosmos 94.1 Nuus het gesels met Kelsey Prediger, die stigting se stigter, wat meer inligting gee.