Ierland ‘gaan hulle regruk’ vir Argentinië

Rugby: Die Ierse vleuel, Mack Hansen, sê hulle gaan hulle regruk na die nederlaag verlede naweek teen die All Blacks waarmee hulle ook hulle eerste plek op die wêreldranglys kwyt is. Dit beëindig ook hulle lopie van 19 onoorwonne wedstryde in die Aviva-stadion in Dublin. Die Iere speel Vrydagaand in dieselfde stadion teen Argentinië. Volgens Hansen staan mense altyd reg om jou te stenig wanneer jy verloor, maar hulle is vasbeslote om baie dinge teen Los Pumas reg te stel.