Hulp vir Gaza wag by Rafah

Die Verenigde Nasies se wêreldvoedselprogram sê meer as 100 vragmotors met sowat 1 300 ton kosvoorraad staan gereed om Gaza binne te gaan sodra die skietstilstand begin. ŉ Skietstilstand van vier dae begin vandag waartydens ongeveer 50 gyselaars wat Hamas in Gaza aanhou, asook 150 Palestyne wat in Israelse tronke is, vrygelaat sal word oor die periode. ŉ Woordvoerder van die voedselprogram, Abeer Etefa, sê die tydelike wapenstilstand is ŉ stap vorentoe, maar net ŉ totale skietstilstand sal toelaat dat voldoende humanitêre hulp in Gaza verleen word. Die skietstilstand het om sewe-uur plaaslike tyd begin en lyk belowend.