Hulde aan ontslape Raisi

Die Iranse regering het hulde gebring aan president Ebrahim Raisi, en sê hy was ‘n harde werker wat die mense van Iran goed gedien het. Die president en agt ander mense, insluitend die minister van Buitelandse Sake, Hossein Amir-Abdollahain, is dood in ‘n helikopterongeluk in die noordweste van Iran. Sy dood kom op ‘n onstuimige tydstip in die Midde-Ooste met die oorlog wat in Gaza woed. Raisi se kabinet sê vise-president Mohammad Mokhber sal die land intussen regeer. ‘n Verkiesing vir ‘n nuwe president word binne ‘n maksimum van 50 dae vereis.