Harris kondig miljarde in hulp aan op Afrika-besoek

Die Amerikaanse visepresident, Kamala Harris, het ʼn hulppakket van 2,5 miljard Namibiese dollar vir Ghana vir aanstaande jaar bekendgemaak. Harris het oor die naweek in die Afrikaland aangekom aan die begin van haar besoek aan drie lande op die vasteland. Die hulp is deel van ʼn veldtog deur Washington om die groeiende invloed van China en Rusland in Afrika teen te werk. Harris het samesprekings met die president van Ghana, Nana Akufo-Addo, in Accra gevoer. Sy het ook aangekondig dat ʼn hulppakket van 1,8 miljard Namibiese dollar beskikbaar gestel word om streeksbedreigings van gewelddadige ekstremisme en onstabiliteit in Ghana, Benin, Ivoorkus, Guineë en Togo aan te spreek.