Groot myne moet model benut om kragkoste te sny: ECB

Die Elektrisiteitsbeheerraad het ‘n beroep op Namibië se mynbedryf gedoen om voordeel te trek uit die Gemodifiseerde Enkelkopermarkmodel om elektrisiteitsinsetkoste te verminder. Dit is omdat elektrisiteit ‘n beduidende bedryfsuitgawe is en energiesekuriteit ‘n bekommernis bly. Volgens Robert Kahimise, die raad se uitvoerende hoof, het groot myne soos Rössing Uranium reeds die model begin benut, wat hulle in staat stel om tot 30 persent van hul energiebehoeftes self te voorsien teen ‘n verlaagde koste. Rössing beplan om ‘n 15 megawatt sonkragaanleg op ‘n 70 hektaar terrein langs die pad tussen Arandis en die myn te bou. B2Gold bou ’n sonkragaanleg van 10 megawatt, wat na verwagting teen die einde van die jaar in werking sal wees.