Ghanese boere gebruik kontrakboerdery teen klimaatsuitdagings

Boere in die noorde van Ghana het kontrakboerdery aanvaar om die uitwerking van klimaatsverandering te bekamp. Kontrakboerdery is ʼn stelsel waar boere hulle gewasse kweek volgens ooreenkomste met kopers wat hulpbronne en gewaarborgde markte voorsien. Die klimaatsaanpassingskenner, Frederick Dapilah, sê hierdie model verseker boere se lewensbestaan. Dit stel hulle ook bekend aan gevorderde boerderytegnieke en gee raad oor klimaatsaanpassing. Hierdie praktyke bevorder weerstand teen uiterste weerstoestande en verbeter voedselsekerheid, maar Dapilah waarsku dat stygende temperature en oorstromings tot skuld vir die gekontrakteerde kopers kan lei.