Geen sterftes in Kaapse Wynlande aangemeld

Die Rampbestuurs-eenheid van die Kaapse Wynland-distriksmunisipaliteit kon inwoners en besoekers suksesvol beveilig tydens die afgelope paar dae se storms. Die uitvoerende burgemeester, dr. Elna von Schlicht, sê ten spyte van aansienlike skade aan eiendom, was daar danksy uitstekende werk deur die nood-, reddings- en verkeers-departemente geen lewensverlies nie. Burgemeester Von Schlicht doen ‘n beroep op die publiek om nie onnodig te reis nie, terwyl opruimingswerk voortgaan en risikogebiede geïdentifiseer word.