Fraser-Pryce wens Christine Mboma beterskap toe ná liesbesering

Christine Mboma se droom om weer vir Shelly-Ann Fraser-Pryce van Jamaika, ook in die 100 meter-item te wen, het aan skerwe gespat. Die Namibiese Olimpiese silwer medalje-wenner het ‘n liesbsering opgedoen terwyl sy die 100 meter in Nairobi, Kenia, teen Fraser-Pryce gehardloop het. Dieselfde het verlede naweek in Gaborone met haar oefenmaat Beatrice Masilingi gebeur. Fraser-Pryce het die 100 meter in 10,67 sekondes by die Kip Keino Classic gewen, met Bassant Hemida van Egipte tweede en Shannon Ray van die VSA derde. Fraser-Pryce het goeie sportmanskap getoon deur vir Mboma ná haar bersering te besoek en haar beterskap toegewens.