Eurowings verhoog vlugte vanaf Frankfurt na Windhoek

Die Lufthansa-groep het aangekondig dat sy Eurowings-lugredery sewe weeklikse vlugte tussen Frankfurt en Windhoek vanaf 27 Maart gaan instel. Vanaf middel Julie tot September gaan die vlugte tot tien weeklikse vlugte verhoog word. Vanaf einde Maart tot middel November gaan Eurowings boonop drie weeklikse vlugte via Windhoek na die Victoria-valle instel. Dié vlugte sal op Woensdae, Vrydae en Sondae aangebied word.