Etzebeth, Koch keer terug vir die Haaie

Rugby: Die Haaie sal versterk word met die insluiting van twee Springbokke vir Saterdag se Verenigde Rugbykampioenskaps-wedstryd teen Ulster in Durban. Eben Etzebeth is terug nadat ‘n klein knie-operasie hom vir sewe weke op die kantlyn gehou het, terwyl Vincent Koch vir die eerste keer hierdie seisoen gaan speel. Die Stormers en die Bulle sal hoop die Haaie klop die Ierse span sodat hulle hul posisies op die punteleer kan verbeter. Die Stormers speel hierdie naweek in Kaapstad teen Edinburgh, terwyl die Bulle weg speel teen die Dragons in Wallis.