Eskom reageer op media-berig oor korrupsie, sabotasie

Eskom sê hy beskou bewerings van sabotasie in ‘n baie ernstige lig en is daartoe verbind om bedrog en korrupsie uit te roei. City Press het vroeër berig ‘n uitvoerende hoof van die kragvoorsiener met top-sekerheidsklaring word beskuldig dat hy spesifieke ingenieurs aangestel het om seker te maak sommige kragstasies raak onklaar. Hulle het dan voordeel getrek uit die geld wat nodig is vir herstelwerk. Eskom se tussentydse woordvoerder, Daphne Mokwena, sê City Press het hulle nooit genader om kommentaar te lewer oor enige van sy uitvoerende beamptes wat na bewering by sabotasie-voorvalle betrek word nie: