Erongo-polisie lê beslag op N$718 860 se dagga

NamPol het nog drie groot dagga-vondse in aan die kus aangemeld, met ‘n totale waarde van 718 860 Namibiese dollar. Twee van die gevalle was in Kuisebmond, Walvisbaai. ‘n 55-jarige man is in Twahanganastraat in hegtenis geneem nadat byna 12kg se skunk- en gewone dagga van sowat 498 200 Namibiese dollar in sy huis gevind is. In Tutaleni Uugwangastraat is ‘n 26-jarige man gearresteer toe die polisie 463 gram skunk- en gewone dagga asook drie halwe Mandrax-tablette by hom gevind het. Die waarde daarvan is 21 860 dollar. In Mondesa, Swakopmund, is 3,976kg se dagga by ‘n huis in Daurebstraat gevind. ‘n 34-jarige man is gearresteer en die dagga is sowat 198 800 dollar werd. In al drie gevalle is die polisie deur lede van die publiek in kennis gestel van dwelmverkope op die persele.