EFF sê daar’s chaos met stigting van petroleummaatskappy

Die EFF het kommer uitgespreek oor die chaotiese wetgewende prosesse wat gepaardgaan met die stigting van die Suid-Afrikaanse Nasionale Petroleummaatskappy. Die woordvoerder, Leigh-Ann Mathys, sê die Ontwikkeling van Stroomop-petroleumhulpbronne het reeds ‘n Nasionale Petroleummaatskappy aangewys om die bedryf te bestuur voor die nuwe maatskappy gestig is. Sy sê hierdie haastige en ongeorganiseerde benadering weerspieël die regering se gebrek aan erns oor dieper sistemiese kwessies binne hierdie instellings. Mathys sê PetroSA se versuim om by die petroleummaatskappy aan te sluit weens finansiële onbestendigheid beklemtoon die wanorde wat heers.