Een renosterstroper noodlottig gewond, een vas, een gesoek

Bronne op grondvlak het bevestig dat een renosterstroper noodlottig by ‘n lodge in die ooste van Namibië gewond is, een is in hegtenis geneem en teenstropery-eenhede is warm op die spoor van nóg ‘n verdagte. ‘n Renoster is gestroop en die horing verwyder. Teenstropery-eenhede het die stropers Saterdagnamiddag naby ‘n renosterkoei en -kalf gesien en ‘n jaagtog het begin waarna ‘n skietery glo ontstaan het. Die sak met die horing en byl is gevind, asook ‘n vuurwapen en alle toerusting vir stropery. Die Namibiese polisie se eenheid vir beskermde hulpbronne se ondersoek duur voort.