Duisende van Imran Khan se ondersteuners gearresteer

Die voormalige eerste minister van Pakistan, Imran Khan het gevra vir dringende samesprekings met die regering, nadat duisende van sy ondersteuners in hegtenis geneem is. Die Pakistanse owerhede het minstens 33 lede van Khan se PTI-party aan militêre howe oorhandig. Hulle word van geweld aangekla, nadat Khan vroeër die maand in hegtenis geneem is. Khan sê om mense bloot in hegtenis te neem is nie ‘n oplossing nie en samesprekings moet plaasvind.