Duisende dossiere vergader stof 

Die minister van die polisie, Albert Kawana, sê ‘n tekort aan mannekrag en ander hulpbronne belemmer die polisie se werk. Daar is volgens hom 4 377 sake wat steeds ondersoek word deur die mag waarvan Khomas eerste lê op 2 736. Tweede geplaas is Oshana met 319 en Otjozondjupa lê derde met 221. Kawana het ook die feit dat deurwinterde, ervare polisielede die mag verlaat vir die privaatsektor, betreur.