Drie veranderings aan WP se voorspelers teen Cheetahs

Rugby: Daar is drie veranderings onder die Westelike Provinsie se voorspelers vir môremiddag se Curriebekerkragmeting met die Cheetahs in Bloemfontein. Die agterlyn wat verlede week in die beginspan was teen die Bulle, is onveranderd. Hendré Stassen en Paul de Villiers begin beide op flank, terwyl Connor Evans die beseerde Adré Smith op slot vervang. Die enigste verandering onder die plaasvervangers is André-Hugo Venter wat aansluit by die flank CJ Velleman. Venter dek die losvoorspelers die naweek. Die afskoptyd is vyf voor twee.