Drie SA spelers benoem vir VRK Speler van Seisoen-prys

Rugby: Kurt-Lee Arendse en Cameron Hanekom van die Bulle kom te staan teen die Leeus se veelsydige Sanele Nohamba vir die gesogte Verenigde Rugby Kampioenskap Speler van die Seisoen-toekenning. Die drietal van Gauteng het die meeste stemme in die nominasieproses gekry, met die Springbokke se hoofafrigter Rassie Erasmus, die vier Suid-Afrikaanse konsessies en die plaaslike media wat hulle sterspelers van die seisoen gekies het. Die wenner word op Dinsdag 18 Junie aangekondig as deel van die VRK-toekennings vir die seisoen.