Dramatiese oorwinning vir All Blacks oor Engeland

Rugby: Nieu-Seeland het ‘n oorwinning van 24-22 oor Engeland beklink met die vleuel Mark Tele’a wat die deurslaggewende drie gedruk het en Damian McKenzie wat laat met ‘n strafdoel geslaag het om hulle terugvegpoging op Twickenham af te rond. Engeland was met nog 13-minute oor met 22-14 voor, danksy Marcus Smith wat 17 punte bygedra het en Immanuel Feyi-Waboso se drie. Maar ‘n skepskop wat George Ford op die nippertjie verbrou het, het hulle lot verseël. Nieu-Seeland sit Vrydag hulle toer voort teen die Sesnasieskampioene Ierland in Dublin en Engeland kom Saterdag te staan teen Australië op Twickenham.