Drama by Las Vegas GP

Daar was drama op die eerste dag van die Las Vegas Grand Prix. Die eerste oefenrondes is na net nege minute afgelas toe Carlos Sainz se Ferrari ʼn losstaande mangatdeksel getref en sy motor erg beskadig is. Die tweede oefenronde het twee en ʼn half-uur later begin met Ferrari wat die pas aangee. Charles Leclerc was ʼn halwe sekonde vinniger as Sainz met Fernando Alonso van Aston Martin die derde vinnigste. Sainz is  ook met tien plekke op die wegspringrooster beboet omdat die nuwe battery waarmee die beskadigde een vervang is, buite sy toelating is.