Dragtige swartrenoster koei gestroop

Die karkas van ‘n dragtige swartrenoster koei is op ‘n privaat wildplaas in die Grootfontein-distrik in die Otjozondjupa-streek ontdek. Die Namibiese polisie se bevelvoerder, inspekteur Maureen Mbeha sê verdagtes het die plaas betree waar hulle ‘n swartrenoster gestroop het. ‘n Saak is by die Otjituuo-polisiestasie in distrik geopen en ballistiese toetse is reeds voltooi. Die ondersoek duur voort.