Diegene wat ontsnaptes help, ook skuldig: NamPol

Verlede week het tien verhoorafwagtende Namibiese en Angolese mans uit die Onandjaba-polisie in die Omusati-streek se aanhoudingselle ontsnap. Niemand is nog her-arresteer nie en die polisie se soektog na die ontsnaptes duur voort. Die mans het vermoedlik ontsnap na hulle ‘n gat in die dak van die fasiliteit se eetsaal gesny het. Kosmos 94.1 Nuus het gepraat met hoofinspekteur Elifas Kuwinga, wat sê diegene wat die ontsnaptes help wegkruip is ook skuldig aan ‘n misdaad.