Die onverwagte toestelle wat wemel van kieme

‘n Nuwe studie waarsku dat die toilet vaal vertoon in vergelyking met verskeie toestelle wat jy die hele dag aanraak sonder om twee keer daaroor te dink.

Navorsing deur CloudZero het bevind dat jou oorfone, skootrekenaar, rekenaarmuis, sleutelbord en foon, duisende bakterieë kan huisves.

Die vuilste toestelle van almal is oorfone, waar gemiddeld 1 073 bakterieë floreer in die warm, klam omgewing om jou ore.

Sommige skootrekenaars hou twee keer soveel bakterieë as ‘n openbare asblik in.

Kenners sê dat as jy vergeet om hierdie algemene toestelle skoon te maak, kan jy jou blootstel aan potensieel skadelike patogene.

Tegniese toestelle, soos slimfone, word gereeld aangeraak en op verskeie oppervlaktes geplaas – lessenaars, toonbanke, openbare vervoer en badkamers – en versamel kieme wat maklik na ons hande en gesig oordra.

Om te sien presies hoe vuil ons toestelle werklik is, het navorsers 38 toestelle sowel as dromme, bushandvatsels en toiletsitplekke getoets.

Oorfone was die vuilste van alle toestelle wat gemiddeld 1 073 bakterieë gehad het.

Ter vergelyking, dit maak die gemiddelde paar oorfone twee keer so vuil as ‘n toiletsitplek, wat 425 gehad het, en net-net skoner as die gemiddelde openbare asblik op 1 100.

Sommige oorfone wat getoets is, het egter meer as 3 000 bakterieë gehad – sewe keer meer as toilette.

Dit is waarskynlik omdat die sweet en hitte van ons koppe die perfekte teelaarde skep vir bakterieë om te floreer.

In die tweede plek was skootrekenaars, en kort op hul hakke wat rekenaarmuise en sleutelborde.