Die Ig Nobels… kom ons navors iets…

Om neushare in kadawers te tel, dooie spinnekoppe te hergebruik en hoekom wetenskaplikes klippe lek, is van die wenprestasies in die 33ste jaarlikse prysuitdeling van die Ig Nobels, die prys vir humoristiese wetenskaplike prestasies. Onder die wenners was Jan Zalasiewicz van Pole wat die chemie- en geologieprys verdien het vir sy verduideliking oor hoekom baie wetenskaplikes daarvan hou om klippe te lek. Om die oppervlak nat te maak laat fossiele en minerale teksture toe om skerp uit te staan tussen silikate en ander formasies, het hy bevind. Ander wenspanne is geloof vir die bestudering van die impak van onderwyser-verveling op studente-verveling; die invloed van ansjovis se seksuele aktiwiteit op seewatervermenging; en hoe geëlektrifiseerde eetstokkies en strooitjies die smaak van kos kan verander.