Curriebeker-oorwinnings vir Pumas, Bulle, Leeus

Rugby:  Drie Curriebekerwedstryde is gister gespeel. Die Pumas het die baie foute deur die Haaie in Durban uitgebuit en met 31-21 gewen. Op Loftus in Pretoria het die Bulle ‘n reeks loesings beëindig met ‘n klipharde 25-13-oorwinning oor die Cheetahs. In die derde wedstryd op Ellis Park in Johannesburg moes die Leeus swoeg om Griekwas met 25-13 onder te kry. Môre meet die Griffons en Westelike Provinsie kragte in die naweek se laaste wedstryd in Welkom.