Cosatu veroordeel vervolging van Nigeriese vakbondleier

Cosatu sê hy veroordeel die volgehoue teistering en vervolging van die president van die Nigeriese Arbeidskongres, Joe Ajaero. Hy was Maandag op pad om die Britse Vakbond Kongres se konferensie in Londen by te woon, toe staatsveiligheidsagente hom by die lughawe in Abuja in hegtenis geneem het. Zanele Sabela van Cosatu sê hulle bly in kontak met die Nigeriese Arbeidskongres om te verseker dat Ajaero se regte en veiligheid ten volle beskerm word.