Conor McGregor kanselleer terugkeergeveg

Gemengde gevegskuns: Conor McGregor se terugkeergeveg is gekanselleer weens ‘n besering slegs twee weke voor hy Michael Chandler in Las Vegas sou aandurf. Die 35-jarige Ierse gemengde gevegskuns-ster is buite aksie sedert hy sy been gebreek het tydens ‘n nederlaag in Julie 2021 teen Dustin Poirier, maar was geskeduleer om die hoofvegter te wees in die UFC 303 op 29 Junie. Die lig-swaargewig kampioen, Alex Pereira, sal sy gordel verdedig teen Jiri Prochazka in die nuwe hoofgeveg.