Coldplay sal Taylor Swift se rekord breek

Coldplay gaan volgende jaar Taylor Swift se rekord verbysteek met ‘n baanbreker reeks van tien konserte in die Wembley-stadion in Londen. Swift het verlede maand die Europese gedeelte van haar Eras-toer met agt konserte op Wembley afgesluit en die rekord vir solo-sangers oortref wat Michael Jackson met sy Bad Tour in 1988 opgestel het. Coldplay se toer volgende jaar is ter ondersteuning van hulle tiende album Moon Music, wat volgende Vrydag bekendgestel gaan word. Kaartjies vir die toer is van vandag af beskikbaar.