Cholera versprei, entstowwe raak op

Die internasionale mediese humanitêre organisasie, Dokters Sonder Grense, sê die wêreldwye voorraad van cholera-entstowwe is uitgeput, met baie Afrikalande wat worstel met uitbrekings van waterverspreide siektes. Bestaande dosisse in produksie word reeds tot middel Maart toegeken, met die aanvraag wat steeds groei. Save the Children neem kennis van ‘n viervoudige toename in cholera-gevalle in Malawi, Zimbabwe en Mosambiek tussen 2022 en verlede jaar, wat 95 300 bereik het met 1 600 sterftes. Openbare gesondheidskenners doen ‘n dringende beroep op vervaardigers om entstofproduksie te bespoedig, weens die voortslepende cholera-epidemies.