China is steeds Namibië se grootste uitvoerbestemming

China is steeds Namibië se belangrikste uitvoerbestemming, gevolg deur Suid-Afrika en Botswana. Die Namibiese Statistieke Agentskap het bekendgemaak dat meer as 34 persent van Namibiese goedere in September na China uitgevoer is in vergelyking met sowat 22 persent na Suid-Afrika, gevolg deur Botswana, Spanje en Zambië. Suid-Afrika is steeds Namibië se grootste invoermark, met 42 persent wat uit die buurland ingevoer is. Zambië was tweede met net minder as 19 persent.