Cenored se laer kragtariewe geld eers vanaf middernag

Die Elektrisiteitsbeheerraad van Namibië se aangekondig dat elektrisiteistariewe onveranderd gaan bly, het implikasies. Cenored het in reaksie hierop aangekondig dat sy tariefverhoging wat op 1 Julie geïmplementeer is, geskrap sal word. Kosmos 94.1 Nuus het gepraat met Charlie Matengu, Cenored se woordvoerder, wat onderstreep dat dit om middernag vanaand in werking tree. Indien verbruikers voor middernag krag koop, sal die verhoogde prys nog geld.