Cenored neem Okh se kragnetwerk oor

Die sewe jaar lange elektrisiteitsverspreiding gesamentlike onderneming tussen Cenored en die Okahandja-munisipaliteit is ontbind en by Cenored ingelyf. Volgens die raadsvoorsitter van die kragverspreider Kandali Iyambo, sal die elektrisiteits-infrastruktuur van Okahandja van nou af aan Cenored behoort, en in ruil daarvoor sal die Okahandja-munisipaliteit ‘n aandeelhouer van Cenored word met 9 persent. Meer as 140 miljoen Namibiese dollar is sedert die gesamentlike onderneming in 2016 op Okahandja se kraginfrastruktuur bestee. ‘n Areabestuurder sal na verwagting die Okahandja Cenored-kantoor met 30 personeellede bestuur, het Cenored se uitvoerende hoof, Fessor Mbango, gesê.