CDV gesels oor deregistrasie, aantygings

In Oktober vanjaar het die hoërhof die Verkiesingskommissie van Namibië se deregistrasie van die Christian Democratic Voice en die Namibia Economic Freedom Fighters tersyde gestel. Die deregistrasie was omdat die partye nie hulle geouditeerde finansiële state aan die kommissie voorgelê het nie, soos vereis ingevolge die Kieswet. Daar was ook bewerings in plaaslike media dat die CDV se president, Gotthard Kandume, van die party se geld onttrek het. Kosmos 94.1 Nuus het met biskop Gerson Hoebeb van die CDV gesels wat sê dat die deregistrasie hulle byna finansieel geknak het. Hy voeg by dat die bewerings teen Kanduma bog is.