Capricorn Eagles wen weer

Die Capricorn Eagles het hul wedstryd teen Uganda met 8 lopies gewen. Die span het 94 vir 10 aangeteken teenoor 86 vir 10 vir Uganda. Die Namibiese vroue het tot dusver al vier hul wedstryde in die vierhoekige reeks gewen en is boaan die telbord met 8 punte. Uganda het 4, en die Verenigde Arabiese Emirate en Hongkong het 2 elk. Die Eagles kom vanmiddag om half-drie teen die Emirate te staan. En vir plaaslike rugbyliefhebbers, die Namibiese onder-20 span speel om een-uur vanmiddag teen Tunisië in die bronsfinaal in die Rugby Afrika Barthes onder-20 toernooi. Die wedstryd vind in Nairobi, Kenia plaas.