Bruce Springsteen ontvang seldsame eer

Die Rock n Roll-musieklegende, Bruce Springsteen, is in die Ivor’s Academy-genootskap opgeneem tydens die Ivor Novello-toekennings in Londen. Hy is slegs die 27ste persoon om die eretoekenning te ontvang en hy sluit hom aan by mense soos Elton John, Joan Armatrading, John Barry, Kate Bush en Paul McCartney. Springsteen het meer as 140-miljoen plate verkoop, ‘n Oscar en 20 Grammy-toekennings verower. Sy beroemde treffers sluit in Born to Run, Thunder Road, Hungry Heart en Born in the USA.