Brok Harris verskyn weer vir Stormers

Rugby: Die deurwinterde stut Brok Harris lei Saterdag die Stormers in ‘n vriendskaplike wedstryd teen Northampton Saints in Engeland. Die Stormers kom die eerste keer te staan teen die voorlopers op die punteleer in die Premierskap. Die wedstryd skop half-vyf die middag, Suid-Afrikaanse tyd, af. Daar is meer as sewe voorspelers op die uitgebreide plaasvervangersbank, met gereelde vervangings wat sal sorg al 26 spelers kry speelkans. Dan du Plessis en Wandisile Simelane vorm ‘n opwindende senterpaar vir die opdrafspan. Jurie Matthee en Stefan Ungerer is die skakelpaar in die beginspan.